पिसिआर रिपाेर्ट नेकेटिभ भएकाे ब्याक्ती हाेटल क्वारेन्टाईन नबसि सिधै घर जान पाउने

विदेशबाट पीसीआर परीक्षण गरी रिपोर्ट नेगेटिभ आउनेहरुले होटल क्वारेन्टिनमा बस्नु नपर्ने संस्कृति पर्यटन तथा नागरिक उड्डयमन्त्री योगेश भट्टराईले स्पष्ट पारेका छन । विदेशबाट आउने नागरिकहरुले होटल क्वारेन्टिनमा बस्नुपर्ने सरकारी निर्णयको चर्काे आलोचना भएसँगै उनले पीसीआर रिपोर्ट नेगेटिभ हुनेहरु सिधै घर जान सक्ने स्पष्ट पारेका हुन । कोरोना संक्रमण कम भएका र पीसीआर परीक्षण सहज भएका मुलुकबाट आउनेहरुले पीसीआर रिपोर्ट नेगेटिभ भएपछि मात्रै नेपाल ल्याइने र उनीहरुले होटल क्वारेन्टिनमा बस्नु नपर्ने मन्त्री भट्टराईले बताए ।

सरकारले विभिन्न देशमा अलपत्र नागरिकहरुलाई उद्धार गरी होटल क्वारेन्टिनमा ७ दिन राख्ने निर्णय गरेको थियो । पीसीआर परीक्षण सहज नभएका मुलुकहरुका लागि भने उद्धार उडान निरन्तर गरिने मन्त्री भट्टराईले जनाएका छन । पीसीआर परीक्षण नगरी नेपाल आउने नागरिकहरुले भने होटल क्वारेन्टिनमा बस्नुपर्ने उनको भनाइ छ ।

अर्को देशबाट आएर क्वारेन्टिनमा बस्दा व्यक्तिले नै खर्च व्यहोर्नुपर्ने नियम विश्वका अन्य मुलुकहरुमा समेत रहेको समेत दावी गरे । हाेटेल क्वारेन्टिनमा विभिन्न मापदण्ड ताेकिएकाे र नियमित सरकारकाे निगरानि रहने समेत मन्त्री भट्टराईले जनाएका छन। विदेशमा अलपत्र परेका, स्वदेश फर्किन सक्ने कुनै पनि आधार नभएका नागरिकहरुलाई भने सरकारी खर्चमा उद्धार गरिने र हाेटेल क्वारेन्टिन काे खर्च समेत सरकारले ब्यवस्था गरिदिने समेत जानकारी गराएका छन। परिस्थिति अनुकुल भएपछि अन्य मुलुकहरुमा समेत अवस्था हेरेर नियमित उडान सुरु हुने पनि उनले बताएका छन ।