माघ १२, याङ्वरकफोकस / वैदेशिक रोजगारीको सिलसिलामा विदेशमा मृत्यु भएका श्रमिकहरुका आफन्तलाई सहयोग गर्ने उद्देश्यका साथ स्थापित आइएमई ‘भरोसा कोश’ ले प्रदेश नम्बर १ का लाभग्राहीहरूलाई सहयोग रकम हस्तान्तरण गरेको छ ।
आइएमईको प्रादेशिक सम्पर्क कार्यालय बिर्तामोड झापामा आज आयोजित एक कार्यक्रमबीच आइएमई ग्रुपका अध्यक्ष एवं नेपाल उद्योग वाणिज्य महासंघका वरिष्ठ उपाध्यक्ष चन्द्रप्रसाद ढकालले प्रदेश-१ अन्तर्गत बिर्तामोड क्षेत्रबाट चार जनालाई सहयोग रकम हस्तान्तरण गरेका हुन् ।
कार्यक्रममा लाभग्राहीहरू, नेपाल उद्योग वाणिज्य महासंघका केन्द्रीय तथा प्रदेश पदाधिकारी एवम् सदस्यहरू लगायत ग्रुपको प्रदेश नम्बर १ मा कार्यरत कर्मचारीहरुको उपस्थिति रहेको थियो ।
कार्यक्रमलाई सम्बोधन गर्दै अध्यक्ष ढकालले कोभिड-१९ को कारण ज्यान गुमाउन वाध्य प्रवासी श्रमिकका आश्रित परिवारलाई सक्दो सहयोग गर्नु कोशको मुख्य उद्देश्य रहेको बताए ।
विदेश गएका धेरै नेपालीको मृत्यु भएको र आश्रित परिवारमा पीडा थपिने भएको कारण आइएमईले मृतकको परिवारलाई आर्थिक सहयोग गर्ने उद्देश्यका साथ ‘भरोसा कोश’को स्थापना गरेको हो । उक्त कोशबाट आवेदकहरूलाई जनही ५० हजारका दरले सहयोग रकम प्रदान गरिँदै आएको छ ।
Discussion about this post