प्रदेश-१ मा पछिल्लो २४ घण्टामा थप सात जना कोरोना संक्रमित, कुन जिल्लामा कति संक्रमण (विवरण सहित)

माघ १४, याङ्वरकफोकस / प्रदेश-१ मा पछिल्लो २४ घण्टामा थप सात जनालाई कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयको अनुसार पछिल्लो २४ घण्टामा प्रदेश नम्बर १ को तेह्रथुममा १ जना, ताप्लेजुङमा १ जना झापामा ४ जना र सुनसरीमा १ जनामा कोरोना संक्रमण देखिएको छ ।

यस संगै नेपालमा पछिल्लो २४ घण्टामा ४ हजार ३ सय ४२ जनामा परिक्षण गर्दा २८३ जनामा कोरोना संक्रमण देखिएको र २४६ जना कोरोना संक्रमित मुक्त भएको स्वास्थ्य तथा जनसंख्या मन्त्रालयको तथ्यांकमा पुष्टि भएको छ । साथै थप ३ जना कोरोना संक्रमितको मृत्यु भएको मन्त्रालयले जनाएको छ ।

आजसम्म नेपालमा पिसिआर परीक्षण हुनेको संख्या २० लाख ५७ हजार ६९ जना पुगेको छ । नेपालमा निको हुनेको संख्या २ लाख ६५ हजार ६९ जना पुगेको मन्त्रालयले जनाएको छ ।