लाहान विष्फोटको जिम्मा जनतान्त्रिक मुक्ति मोर्चा(क्रान्तिकारी)ले लियो

सिराहा । सिराहाको लाहानस्थित मालपोत कार्यालयमा भएको विष्फोटको जिम्मा जनतान्त्रिक तराई मुक्ति मोर्चा (क्रान्तिकारी)ले लिएको छ । भूमिगत समूहका अध्यष जयकृष्ण गोइतले आइतबार विज्ञप्ति जारी गर्दै आफूहरुले प्रेसरकुकर बम विष्फोट गराएको विज्ञाप्तिमा बताएका छन्।

उक्त विज्ञप्ति मार्फत स्वतन्त्र तराईँ राज्य नभएसम्म संघर्ष जारी रहनेसमेत बताएका छन् । तराईँमा भ्रष्टाचार बढेकोसमेत उल्लेख गरेका छन् । केही समय शान्त रहेको यो भूमिगत समूहले फेरि तराईमा आतंक मच्चाउने संकेत गरिएको छ ।

आइतबार दिउँसो मालपोत कार्यालयमा विष्फोट हुँदा ८ जना घाइते भएको सिराहका प्रहरी प्रमुख प्रहरी उपरीक्षक सुदिप राजभण्डारीले जानकारी दिए। ती मध्ये एकजनालाई उपचारका लागि काठमाडौं ल्याएको छ त्यस्तै घाइते नासु शिवकुमार यादवलाई विराटनगर पठाइएको छ ।