काठमाडौं । महोत्तरीबाट २२ हजार नक्कली नेपाली नोटसहित पिन्टुकुमार राय र अर्का एक बालक पक्राउ परेका छन् ।
पसलमा कारोबार गरिरहेको अवस्थामा सोधपुछ गर्दा वी आर ३० भी ९४८७ नम्बरको स्कुटीमा नक्कली नोट फेला परेको इलाका प्रहरी कार्यालय गौशालाले जनाएको छ ।
औरही बजारबाट भारत बिहार राज्यको मनपौर ग्राम पञ्चायत बस्ने २१ वर्षीय राय र अर्का एक बालक पक्राउ परेका प्रहरी निरीक्षक (इन्स्पेक्टर) विष्णुप्रदीप बस्यालले बताए ।
नक्कली नोटसहित पक्राउ परेका उनीहरूबारे थप अनुसन्धान भइरहेको प्रहरीले जनाएको छ ।
Discussion about this post