पाँचथर– पाँचथरको मिक्लाजुङ गाँउपालीकामा अविरल बर्षासँगै आएको पहिरो र खोलाले बगाउँदा २१ जनाको मृत्यु भएको छ भने ३ जना बेपत्ता भएकाे गाँउपालीका अध्यक्ष अमर माखिमले जानकारी दिएका छन् ।
अध्यक्ष माखिमका अनुसार मिक्लाजुङ्को विभिन्न गाँउमा गएको पहिरो र खोलाले २४ जनालाई बगाएको थियो त्यस मध्ये २१ जनाको शव भेटिएको छ भने ३ जना अझै बेपत्ता छन् ।
उनका अनुसार मिक्लाजुङ–५ मा १५ जनाको मृत्यु २ बेपत्ता वार्ड न. १ मा २ जना, वार्ड न. २ मा २ जना, वर्डा न. ४ मा खोलाले बगाएर १ जना बेपत्ता भएका छन् । यस्तै, वर्डा न. ७ मा २ जनाको मृत्यु, मिक्लाजु–५ को कुरुम्बामा एकैठाँउका ११ जनाको मृत्यु भएको छ ।
यस्तै, फिदिम–४ मा दुई जना, फाल्गुनन्द गाँउपालीकामा–३ जना र कुम्मायकमा पहिरोले पुरीएर एक जनाको मृत्यु भएको छ ।
जिल्लामा टेलिफोन अवरुद्ध हुदाँ विभिन्न ठाँउमा भएको मृत्यु र क्षतीको घटना जानकारीमा आउन सकेको छैन् । जिल्लाका विभिन्न ठाँउमा दजर्नौ परिवारहरू विस्तापित भएका छन् भने मेची राजमार्ग लगायत सदरमुकाम फिदिम सँग जोडिएका सडकहरू अवरुद्ध छन् ।
Discussion about this post