पाँचथर – प्रेस सेन्टर नेपाल जिल्ला समन्वय समिती पाँचथरको चौथो सम्मेलन सम्पन्न भएको छ । सोमबार फिदिममा सम्पन्न सम्मेलनले सेसेहाङ लावतीको अध्यक्षतामा नयाँ कमिटी चयन गरेको छ । कमिटीको उपाध्यक्षमा छविरमण चापागाई,महिला उपाध्यक्षमा चित्रकला हाङसरुम्वा,सचिवमा चन्द्र लिवाङ,सहसचिवमा भीम चेम्जोङ र कोषाध्यक्षमा युवेन्द्र बिक्रम जवेगु रहेका छन् । सम्मेलनले संघिय प्रतिनिधिमा घनेन्द्र केरुङ,प्रदेश प्रतिनिधिमा रामचन्द्र तामाङ र राम बाँस्कोटालाइ चयन गरेको छ ।
सम्मेलन प्रेस सेन्टर नेपालका संघिय सदश्य बिजयबोध लावतीको प्रमुख आतित्थ्यतामा सम्पन्न भएको हो । कार्यक्रममा नेपाल पत्रकार महासंघ पाँचथरका अध्यक्ष गिरिराज बाँस्कोटा,माओवादी केन्द्रका नेता ठाकुर सिं नेम्वाङ लगायतले शुभकामना मन्तब्य राख्नु भएको भएको थियो । कार्यक्रममा बोल्दै महासंघका अध्यक्ष बाँस्कोटाले प्रेस सेन्टरले श्रमजिवी पत्रकारको हित, गुणस्तर र ब्यवसायिकतालाई मध्यनजर राख्नुपर्नेमा जोड दिएका छन् ।
माओवादी केन्द्रका नेता नेम्वाङले प्रेस सेन्टरले साङ्गठानिक रुपमा आफुलाई बलियो बनाउनु पर्नेमा जोड दिए । कार्यक्रमका प्रमुख अतिथि लावतीले प्रेस सेन्टरलाई जिल्लामा दर्विलो शक्तिको रुपमा स्थापित गर्नुपर्नेमा जोड दिदै पेशागत सुरक्षा र ब्यवसायिकता प्रति केन्द्रित रहेर जिल्लाले काम गर्नुपर्ने बताएका थिए ।
नव निर्वाचित अध्यक्ष सेसेहाङ लावतीले प्रेस सेन्टरलाई ब्यवस्थित बनाउदै, ब्यवसायिक पत्रकारिताको वकालत गर्ने र प्रेस सेन्टरलाई जिल्लामा पहिलो शक्तिको रुपमा स्थापित गर्ने प्रतिबद्वता ब्यक्त गरेका छन् । कार्यक्रममा पूर्व अध्यक्ष घनेन्द्र केरुङले साङ्गठानिक,आर्थिक तथा हालसम्मका गतिबिधि र भावि योजना समेटिएको प्रतिवेदन प्रस्तृत गरेका थिए ।
Discussion about this post