साउदीले सम्झौता रद्द गर्दा मुकेश अम्बानीलाई ९ अर्ब डलर घाटा

काठमाडौं – मुकेश अम्बानी नेतृत्वको भारतकै सबैभन्दा मूल्यवान कम्पनी रिलायन्स इण्डष्ट्रिजको शेयर सोमबार पनि ४ प्रतिशत भन्दा धेरैले घटेको छ । यसबाट कम्पनीको मूल्यमा करिब ९ अर्ब डलरको गिरावट आएको छ । कम्पनीले साउदी अरेबियाको सरकारी स्वामित्वको कम्पनी साउदी अरामकोसँग १५ अर्ब डलरको प्रस्तावित सम्झौता रद्द गरेको थियो । यसबाट लगानीकर्ताको धारणा प्रभावित भयो र रिलायन्सको शेयरमा गिरावट आयो ।

बीएसइमा कम्पनीको शेयर ४.२२ प्रतिशत गिरावटको साथ २३६८.२० मा झरेको छ । यो मूल्यमा कम्पनीको मूल्य करिब ६६ हजार करोड रुपैयाँ घटेको छ । एनालिस्टहरुले भने कम्पनीको प्राइस टार्गेटमा कुनै परिवर्तन गरेका छैनन् । कम्पन ऊर्जा र नयाँ कमर्स व्यवसायमा लगानी गर्ने तयारीमा छ । जानकारहरुका अनुसार दुरुस्त ब्यालेन्स सिट र आगामी केही वर्षमा आउने पैसाबाट कम्पनीलाई कुनै समस्या हुने देखिँदैन ।

क्रेटिड सुइजले रिलायन्सको शेयरलाई न्युट्रल रेटिङ दिएको छ । उसका अनुसार साउदी अरामकोसँगको सम्झौताले कम्पनीको लागि उत्प्रेरकको काम गरिरहेको थियो । अरामकोका अध्यक्षलाई रिलायन्सको बोर्डमा सहभागी गराइएको थियो र यो सम्झौता सफल हुने मानिएको थियो । लगानीकर्ताको मनमा मात्रै यत्ति प्रश्न थियो कि यो सम्झौता पूरै नगदमा हुनेछ वा नगद र स्टकको सम्झौता हुनेछ । यही कारण कम्पनीको खुलासाले लगानीकर्ताको धारणा प्रभावित भयो ।

रिलायन्सको ओटुसी भ्यालुएसन ७५ अर्ब डलर मानिएको थियो तर अब यसमा परिवर्तन आउन सक्छ । जेफरिजले यसको भ्यालुएसन ७० अर्ब डलर बनाइसकेको छ र साथमा स्टकको टार्गेट मूल्यमा पनि ४ प्रतिशत कटौती गरेको छ । यद्यपि ब्रकरेजले प्रस्ट पारेको छ कि अरामको रिलायन्स सम्झौता रद्द भएर कम्पनीको ब्यालेन्स शीटमा कुनै फरक पर्ने छैन । कम्पनीसँग नयाँ व्यवसाय सुरु गर्नको लागि पर्याप्त कोष छ ।