पान्थर – संघीय लोकतान्त्रिक राष्ट्रिय मञ्च, संघीय लिम्बुवान प्रान्तीय मञ्च नेपाल याङ्वरक गाउँपालिका वडा नं ४ को अधिबेशन बुधबार थर्पु बजारमा सम्पन्न भएको छ ।
उक्त अधिबेशनले बीरबहादुर माबोको अध्यक्षतामा १७ सदस्यीय वडा कार्यसमिति निर्वाचित गरेको छ । उपाध्यक्षहरुमा मोतिबहादुर योङ्हङ, अमृत योङ्हाङ, इन्दिरा खेबाङ, नन्दबहादुर योङ्हाङ, सचिव योगेन माबो, सहसचिव अबिसा माबो, अर्थसचिव, सरस्वता योङ्हाङ रहेका छन भने सदस्यहरु मनकुमारी योङ्हाङ, मनकुमारी इङ्वारम, धनमाया आङ्बो, अमृत योङ्हाङ, सन्तकुमार माबो, शान्तिकला माबो, मनबहादुर योङ्हाङ, गंगाबहादुर योङ्हाङ, प्रदिप तावा रहेका छन ।
सो भेलाले संघीय युवा मञ्च वडा ४ को संयोजकमा शर्ण इजमलाई तोकेको छ । संघीय लोकतान्त्रिक राष्ट्रिय मञ्चका संघीय सहसचिव तथा पान्थर क्षेत्र नं. १ का संयोजक सागर केरुङ्को प्रमुख आतिथ्यमा सम्पन्न भेलामा जिल्ला उपाध्यक्ष जितेन चेम्जोङ, जिल्ला सचिवालय सदस्यद्वय आधार घिमिरे, नरेश लक्सम, जिल्ला सदस्य कर्णबहादुर काम्बाङ, क्षेत्रीय उपाध्यक्ष छत्र योङहाङ, याङ्वरक गाउँपालिका कार्यसमितिका उपाध्यक्षद्वय दिलकुमार लक्सम, पोलस्टार तावा, सचिव हेमराज योङहाङ, याङ्वरक महिला मञ्च अध्यक्ष पुजा सिगु, इतिहासकार अमर तावा, इतिहास अध्येता तथा लिम्बू शब्दकोष लेखक खेलराज योङहाङ लगायतले शुभकामना मन्तब्य राखेका थिए ।
Discussion about this post