जीवीत सालकसहित पक्राउ

कैलाली – प्रहरीले दुर्लभ वन्यजन्तु जीवित सालकसहित एक जनालाई पक्राउ गरेको छ। लम्कीचुहा नगरपालिका–४ छोट्की बलियास्थित चोरी खोलाबाट दुर्लभ वन्यजन्तु जीवित सालकसहित सोही नगरपालिका–१ का जनक चौधरीलाई सोमबार दिउँसो प्रहरीले पक्राउ गरेको हाे ।

चौधरीले सालक नामको दुर्लभ वन्यजन्तु लुकाई राखेको भन्ने सूचनाको आधारमा प्रदेश प्रहरी कार्यालय धनगढी र ईलाका प्रहरी कार्यालय लम्कीबाट खटिएको संयुक्त टोलीले उनलाई उक्त जीवित सालकसहित फेला पारी पक्राउ गरेको हो। चौधरीलाई उक्त सालकसहित आवश्यक अनुसन्धानको लागि सब डिभिजन वन कार्यालय लम्की पठाइएको छ ।