साइप्रसमा प्रेमा पौडेलको समुन्द्रमा डुबेर मृत्यु

साइप्रस – साइप्रसको लार्नाका स्थित मंगलबार समुन्द्रमा डुबेर झापा दमककी प्रेमा पौडेलको मृत्यु भएको छ ।

लारनाकाको कालाभासोस ( जिगि)एरियाको समुन्द्र छेउमा पौडेलको शव तैरिएको अवस्थामा भेटिएको एनआरएनए साइप्रसले जनाएको छ ।

पौडेलको शव पोस्टमार्टमका लागि निकोसिया स्थित जेनेरल हस्पिटलमा लगिएको स्थानीय प्रहरीले बताएको छ । प्रहरीका अनुसार प्रारम्भिक अनुसन्धान पछि मात्रै पोस्टमार्टम रिपोर्ट आउने जानकारी दिइएको छ । प्रेमा बिगत ५ बर्षदेखी साइप्रसमा कार्यरत थिइन् ।