पर-पुरुषसँग मिलेर पतिको हत्या, शव टुक्राटुक्रा पारियो

धरान – फागुन ४ गते धरान–४ कोशी राजमार्ग अन्तर्गत धरान–धनकुटा सडकको जंगलमा बीभत्स तरिकाले हत्या गरि टुक्राटुक्रा पारेर फालिएको शव फेला परेको थियो ।

दमक नगरपालिका–५ का ४३ वर्षीय दिनेश सिग्देलको आफ्नै श्रीमतीले प्रेमीसँग मिलेर वीभत्स तरिकाले हत्या गरेको खुलेको छ । सिग्देललाई उनकी कान्छी श्रीमती र उनको प्रेमी भनिने विराटनगर–४ इकराइका २९ वर्षीय सरोज भण्डारीले गरेको खुलेको हो । हत्या आरोपमा उनीहरू पक्राउ परिसकेका छन् ।

सिग्देलको शव भेटिनुभन्दा ११ दिन अगाडि हत्या गरेको पाइएको प्रहरीले जनाएको छ । उनीहरूले माघ २२ गते राती सिग्देलको हत्या गरेको प्रहरीले जनाएको छ । सुनसरी प्रहरी प्रमुख एसपी सञ्जयसिंह थापाका अनुसार हत्या गरेको भोलिपल्ट सिग्देलको शरीर ग्रेटर मेसिनले टुक्रा पारेका थिए । त्यसपछि जेब्रा झोलामा राखेर सिटी सवारीमा लगेर जङ्गलमा फालेका हुन् । प्रहरीले हत्या आरोपमा अनिता र सरोजलाई सार्वजनिक गरिसकेको छ ।

१० महिनाअघि बराइन गएका सिग्देल १५ दिनको बिदाको लागि पुस २० गते घर आएका थिए । अनिता भने विराटनगर ३ पिपलचौकस्थित डेरा लिएर बस्ने गर्थिन् । अनिताको पूर्व योजना अनुसार प्रेमी सरोजलाई प्रयोग गरेर आफ्नो डेरामा आएकै दिन भण्डारीको हत्या भएको हो ।

सिग्देलको हत्या गरेपछि भोलिपल्ट माघ २३ गते बिहान शव व्यवस्थापन गर्न लागेको देखिएको प्रहरीको भनाइ छ । उनीहरूले कोठाभित्र सिग्देलको हत्या गरेपछि शवको व्यवस्था गर्न चार हजार रुपैयाँमा बजारबाट ग्रेटर मेसिन, तीन थान जेब्रा झोला र पोलिथिन खरिद गरेको पाइएको छ ।
प्रेमीसँग मिलेर सरोजको हत्या गरेपछि शव जङ्गलमा फालेर उनीहरू पर्यटकीय गन्तव्य भेडेटार बास बसेको खुलेको छ । सरोज र अनिता ५/६ महिनादेखि प्रेम सम्बन्धमा रहेका थिए भने सँगै बस्दै आएका थिए । प्रहरीले हत्यामा प्रयोग गरिएको ग्रेटर मेसिन र गलबन्दी पनि बरामद गरेको जनाएको छ ।