युक्रेनले ४३ सय रूसी सैनिक मारेको दाबी

काठमाडौं– युक्रेनले आफ्नो देशमाथि आक्रमण गर्न आएका ४,३०० रुसी सैनिकलाई मारि दिएको दाबी गरेको छ । युक्रेनी सहायक रक्षामन्त्रीले युद्धमा रुसको क्षतिको आँकडा फेसबुक मार्फत सार्वजनिक गर्दै युद्धको पहिलो तीन दिनको तथ्याङ्क भन्दै ४,३०० सैनिक मारिदिएको दाबी गरेकी हुन् ।

उनले सार्वजनिक गरेको क्षतिको विवरणअनुसार ४,३०० रुसी सैनिक मारिएको, २७ रुसी विमान खसालिएको, २६ हेलिकप्टर खसालिएको, १ सय ४६ ट्याङ्क ध्वस्त पारिएको, ७ सय ६ सशस्त्र सवारीसाधनमा क्षति पुराइएको, ४९ वटा रुसी तोप नष्ट पारिएको, एउटा हवाई रक्षा प्रणाली ध्वस्त पारिएको, ४ वटा रकेट प्रहार गर्नसक्ने प्रणाली नष्ट गरिएको दाबी गरिएको छ।

त्यस्तै ३० वटा सवारीसाधन, ६० वटा रुसी ट्याङ्कर, २ वटा ड्रोन र २ वटा डुङ्गा नष्ट पारिएको जनाएकी छन् ।