अवैध सम्बन्धका कारण ३९ वर्षीय सुमित्रा तामाङको हत्या – श्रीमान् वैदेशिक रोजगारमा

सुनसरी – धरान उपमहानगरपालिका१८ स्थित कान्तिपुर होटलको १०९ नम्बर कोठामा भेटिएको शव पाँचथर मिक्लाजुङ गाउँपालिका-१ कि ३९ वर्षीय सुमित्रा तामाङको भएको प्रहरीले बताएको छ ।

इलाका प्रहरी कार्यालय धरानका डीएसपी नरेन्द्र कुवरले होटलमा भेटिएको शव ३९ वर्षीय सुमित्रा तामाङको भएको अनुसन्धानबाट खुलेको बताए। घटनास्थलमा भेटिएको फोटोसहितको ताामाङको मतदाता परिचयपत्र फेला परेपछि शव सनाखत गरिएको कुवरले बताए । आजै शवको सनाखत गरिएको छ ।

मृतक तामाङ आइतबारदेखि धनकुटाका एक पुरुषसँग होटलमा बसेकी खुलेको छ । तामाङ र ती पुरुषबीच अवैध सम्बन्धपछि उत्पन्न विवादले हत्या भएको खुलेको डीएसपी कुवरले जानकारी दिए । तामाङको हत्या गरेपछि प्रेमी भनिएका पुरुष भने फरार छ्न् ।

हत्यामा सम्लग्न रहेका पुरुषको पहिचान भइसकेकाले पक्राउ गर्न प्रहरी परिचालन गरिएको कुवरले बताए । उनले इटहरीमा रहेका मृर्तकका छोराछोरीलाई घटनास्थलमा बोलाएर शवको मुचुल्का तयार गरी शव परीक्षणका लागि बीपी कोइराला स्वास्थ्य विज्ञान प्रतिष्ठान धरानमा पठाएको थियो ।

मृतकका श्रीमान् नर्बु तामाङ वैदेशिक रोजगारीमा बहराइनमा छन्। सुमित्राले परपुरुषसँग अवैध सम्बन्धमा रहेको बुझिएको छ ।