काठमाडौ – किरात याक्थुङ चुम्लुङ, लिम्बु साँस्कृतिक परिषद काठमाडौको दोस्रो अधिबेशन सम्पन्न भएको छ ।
हमंगलबार चुम्लुङ्हिम काठमाडौको सभाहलमा सम्पन्न अधिबेशनले बौद्धमान चोङ्बाङ्को अध्यक्षता ११ सदस्यीय नयाँ कार्यसमिति निर्वाचित गरेको छ । उपाध्यक्षमा इन्दिरा योङ्हाङ साम्सुहाङ, सचिव देबेन्द्रकुमार तुम्रोक, कोषाध्यक्ष लाक्ष्मी साक्य योङ्हाङ र सदस्यहरू रिता लक्सम, धनबहादुर कुरुम्भङ, सुता तिगेला, एन्जिला नेम्बाङ, प्रकृति योङ्हाङ, सुसुहाङ काम्बाङ र मुस्कान साम्सुहाङ निर्वाचित भएका छन ।
लिसाप केन्द्रीय अध्यक्ष गोविन्द आङ्बुहाङको प्रमुख आतिथ्यतामा सम्पन्न अधिबेशनमा राष्ट्रिय चुम्लुङ सदस्य तथा लिसाप केन्द्रीय उपाध्यक्ष सागर केरुङ, राष्ट्रिय चुम्लुङ सदस्य धनकुमार काम्बाङ, चुम्लुङ काठमाडौ जिल्ला अध्यक्ष डम्बर तुम्बाहाम्फे, जिल्ला सचिव टेक काम्बाङ, कोषाध्यक्ष तथा पुर्व सिडिओ प्रेम खापुङ, लिसाप ललितपुर अध्यक्ष कृष्णराज नेम्बाङ, भक्तपुर अध्यक्ष राम तिलिङ लगायतको उपस्थिति रहेको थियो ।
Discussion about this post