प्रहरीको कुटाइबाट १ व्यापारीको मृत्यु भएको आफन्तको आरोप

सुर्खेत – सुर्खेतमा कालिकोटका प्रहरीको कुटाइबाट एक व्यापारीको शंकास्पद मृत्यु भएको आफन्तले आरोप लगाएका छन् । कालिकोटको तीलागुफा नगरपालिका–३ का ३२ वर्षीया कृष्ण हमाल ‘मिनी’ काे शंकास्पद मृत्यु भएको हाे । हमाललाई दुईजनाले उपचारका क्रममा सुर्खेत हस्पिटलमा ल्याएको तर, चेकजाँच गर्दा मृत्यु भएको पुष्टि भएको अस्पतालले जनाएको छ ।

शनिवार सुर्खेत अस्पतालले एक विज्ञप्ति जारी गर्दै बिहान १०:१५ बजेको समयमा दुई जना व्यक्तिले बेहाेश अवस्थामा हुनुहुन्छ, भन्दै अस्पतालको आकस्मिक कक्षमा ल्याएको बताएको छ ।

अस्पतालको प्रशासनकाअनुसार हमालको डाक्डर के.एन पौडेलले जीवित चिह्नहरू [नाडीको गति, श्वासप्रश्वास, मुटुको धड्कन] ले काम नगरेको र अस्पताल ल्याउनु अगाडि नै मृत्यु भएको जनाएको छ ।

आफन्तहरूकाअनुसार भे १ क ९२२ नम्बरको ट्रकमा समान लिएर नेपालगञ्जबाट सुर्खेत आउँदै गर्दा वीरेन्द्रनगरको सुब्बाकुनामा प्रहरी चेकपोष्टमा मापसे गरेको भन्दै प्रहरीले शुक्रबार साँझ कुटपिट गरेको थियो त्यही कुटपिटपछि मृत्यु भएको भन्दै आरोप लगाएका हुन् ।