पाचौं अल-हासा गोल्डकपको उपाधी समरानी नेपाली फुटबल क्लब दमामलाई

दमाम – पाचौं अलहासा गोल्डकपको उपाधी समरानी नेपाली फुटबल क्लब दमामले पाएको छ । समरानी नेपाली फुटबल क्लबसँग काफर फुटबल क्लब जुबेलले फाइनल खेल खेलेको थियो । फाइनल खेलमा ३-१ गोलको अन्तरले समरानी विजेता बनेको हो भने उपविजेतामा जुबेलले चित्त बुझाउनु पर्‍यो । उक्त खेल अलहासाको होलेला खेल मैदानमा सम्पन्न भएको थियो ।

मुस्लिम धर्मावलम्बीहरूको महान पर्व ईद अल अधाको पावन अवसरमा साउदी अरबमा रहेका नेपाली फुटबल टिमहरू बिचमा नेपालीहरूको भातृत्व कायम होस भन्ने अभिप्रायले उक्त खेलको आयोजना गरिएको थियो ।

खेल फिफाको नियम अनुसार खेलाइएको थियो भने सो खेलमा ११ टिमले सहभागिता जनाएका थिए । विजेता टिमलाई एक लाख रुपैयाँ, ट्रफी मेडल र प्रमाणपत्र र उप-विजेता टिमलाई पचास हजार रुपैयाँ, ट्रफी, मेडल र प्रमाणपत्र दिइएको थियो । अन्य थुप्रै पुरस्कारहरू पनि खेलाडीहरूलाई वितरण गरिएको थियोे बेस्ट किपर, बेस्ट प्लेयर, बेस्ट मिल्ड फिल्डर लगायतका पुरस्कारहरू वितरण गरिएको थियो ।