फाल्गुन १२ बुधबार

मोरङ । गत पुष ५ गते मृत भेटिएका मोरङको उर्लाबारीका प्रविण बास्तोलाको मृत्यु घटनालाई मोरङ प्रहरीले अत्यन्त संवेदनशील घटनाका रुपमा लिएर अनुसन्धान गरिरहेको जानकारी दिएको छ ।

आज बुधवार विराटनगरमा पत्रकार सम्मेलन गर्दै मोरङका प्रहरी उपरीक्षक सन्तोष खड्काले प्रविण बास्तोलाको मृत्यु प्रकरणमा सम्बन्धित पक्षबाट ढिलो जाहेरी दिएका कारण केही गलत भएको बताए । इलाका प्रहरी कार्यालय उर्लाबारी, सरकारी वकिलको कार्यालय विराटनगर र जिल्ला अदालतमा मिसिलहरु यथावत रहेकाले आफ्नो वकिलमार्फत छानबिन गर्न आग्रह गर्दै प्रविणको हत्या घटनामा कसैले तलमाथि गर्न नसक्ने भएकाले अनुसन्धानमा सघाउन पीडित परिवारका सदस्यहरुलाई आग्रह गरिएको बताए खड्काले बताए ।

केही दिन यता विभिन्न संचारमाध्यममा अनुसन्धानबारे टिकाटिप्पणी भईरहेको र जिल्ला सरकारी वकिलको कार्यालय, जिल्ला प्रशासन कार्यालय र जिल्ला प्रहरी कार्यालय घेराउ गर्ने कार्य समेत गरिएकोले मोरङ प्रहरीले पत्रकार सम्मेलन गरेर यथार्थ विवरण सार्वजनिक गरेको हो ।

सो घटना बारे छानबिन गर्न जिल्लाप्रहरी कार्यालय मोरङका डिएसपी मानबहादुर राई नेतृत्वको छानबिन टोली समेत गठन गरिएको छ । उहाँले न्याय कतै नमर्ने भएकाले पहिले अनुसन्धानको लागि पक्राउ परेकाहरुको हकमा कुनै प्रमाण फेला नपरेको हुनाले छोडिएको र या घटनाको सुष्म अनुसन्धान भइरहेको जानकारी दिएका छन् ।

प्रतिक्रिया लेख्नुहोस्